Фолк пејачот Благојче Стојановски Туше важи за еден угледен пејач како во Македонија, така и во Австралија. Тој неодамна се соочи со обвинувања од Новинарот С.Д кој е уредник и сопственик на еден охридски портал.
Туше проговори за Шило Магазин:
Најпрвин, поздрав до редакцијата и благодарност што ми овозможивте на некој начин да се одбранам од овие обвинувања, кои што се неосновани и немаат никаква допирна точка со мене. Сето ова започна со една моја објава дека сум против тоа што се постави албанско знаме на тврдината во Охрид и никого лично не навредив.
(А, не знам дали постои Македонец што се восхитува на тоа што се случи во Охрид)
Дотичниот се најде затекнат и почна да навредува на објавата по што јас го избришав неговиот коментар и го блокирав да не може повеќе да пишува и да навредува на моите објави.
Не сакав да паѓам на тоа ниско ниво и не сакам да го навредувам како што тој ме навреди, немам потреба од тоа зошто не постои човек во Охрид, Ресен, Битола и пошироко кој што кажал убав збор за овој таканаречен квази новинар.
Јас работам како естраден уметник повеќе од 25 години, мојот статус е регулиран како кај секој нормален граѓанин во Македонија. Имав моја фирма до пред 4 години во Ресен и преку таа фирма ми течеше стаж,плаќав осигурување и пензиско и здравствено и сите обврски.
Во целата објава на дотичниот точно е само дека имам стан во Австралија, а се друго што напишал е лага и за тоа е покрената тужба против него бидеќи ги имам во евиденција сите негови закани и невистини кои што ги напиша деновиве на социјалните мрежи.
