9.6 C
Ohrid
петок, март 29, 2024
ПочетнаМакедонија„Глас за Македонија“: Гоце Делчев е предаден по втор пат

„Глас за Македонија“: Гоце Делчев е предаден по втор пат

Партијата „Глас за Македонија“ на Солза Грчева најостро реагира на изјавите на претседателот Пендаровски и на премиерот Заев во врска со македонскиот револуционер Гоце Делчев и бугарските политички провокации.

„Неспорна историска вистина е дека вам господине Пендаровски, како актуелен претседател на македонската држава, не ви се при срце и свест интересите на македонскиот народ од кого потекнуваат и најголемиот број на граѓани. Истава забелешка ја упатуваме и до Заев, премиерот (северен)“, се наведува во партиското соопштение.

Од „Глас за Македонија“ велат дека недозволиво е да се лицитира со имиња, дејци и случувања кои се доказ за вековниот стремеж на Македонецот за слободен културен, историски, економски, политички, социјален и народносен развиток.

„Историска вистина е дека Гоце Делчев е македонска револуционерна личност, која живеела во османлиски прилики, бил, нејзин поданик (државјанин), а според признатата религиозна власт, патријаршиска или егзархиска се определувал кон ‘Булгар’ милетот (впрочем така се определувале и дел од тогашните Срби, Албанци, Власи и др.) Ако грешиме, прашајте ги историчарите во Турција (кои се наследници и проучувачи на османлиските архиви)“, посочуваат од партијата на Грчева.

Обраќајќи се до Заев и Пендаровски од „Глас за Македонија“ велат дека лошо во целата ситуација е тоа што и оние кои треба да ги советуваат, неуко ги информираат.

„Македонската историска јавност не ја претставуваат вашите избрани комисисти, по вокација историчари“, сметаат од партијата и додаваат дека ги осудуваат и сите оние кои молчат за овој чин кој го квалификуваат како предавство на делото на Гоце Делчев.

spot_img
spot_img
ПОВРЗАНИ СТАТИИ

Најпопуларни

Повеќе постови

Сашо Донев, Лидија Петкоска и Грација Бакраческа кандидати за пратеници од Охрид

Извршниот и Централниот комитет на ВМРО-ДПМНЕ ги усвои пратеничките листи на ВМРО-ДПМНЕ и Коалицијата за наредните парламентарни избори. На листата во петтата изборна единица има...

Села оди во коалиција со Ахмети, очекува најмалку пет пратенички мандати

Алијанса на Зијадин Села оди во коалиција со Али Ахмети. Со само еден делегат против било одлучено АА да стапи во коалиција со ДУИ...

Тепачка помеѓу вработени во болница во Карпош

Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени...

Општините ќе можат да конфискуваат дивоградби и наместо да ги уриваат да ги доделат на користење на ранливи групи

Општините ќе можат да конфискуваат дивоградби и наместо да ги уриваат да ги доделат на користење на ранливи групи или младински организации. Како што...