Сузана Спасовска подготвува свадба за нејзината ќерка. Фолк-пејачката вели дека ова е нејзин животен проект, а на Теона ѝ посвети и песна, рефренот „Среќо мајкина“ кој го отпеа на „Лешочки фолк фест“.
Теона, во јануари годинава, му кажа „ДА“ на своето долгогодишно момче Виктор Велковски кој е музички продуцент. Запросувањето се случи симболично на нејзиниот роденден.
Спасовска никогаш не ја експонирала ќерката во медиумите која многу потсетува на нејзината мајка и е вистинска убавица.
– И јас и таа сметаме дека таа има свој свет и свој живот независно од популароста на мајка ѝ. Преубаво пее, но нема воопшто желба да биде на естрадата. Многу е трудољубива, самостојна и интелигентна.Среќна сум што ја сака македонската музика што не е случај со денешната младина. Мојата ќерка е моето сонце, моето сѐ – раскажа Сузана Спасовска во интервју пред неколку години.
