10 C
Ohrid
четврток, март 28, 2024
ПочетнаМакедонијаСОФИЈА Експертите не се договорија за Гоце Делчев, средбите продолжуваат

СОФИЈА Експертите не се договорија за Гоце Делчев, средбите продолжуваат

Седмата по ред средба на мешовитата бугарско-македонска комисија за историските прашања завршии без особен напредок, но двете страни изразуваат оптимизам дека овие несогласувања можат да бидат надминати, јави БГНЕС.

Професорот Ангел Димитров, копретседавач на комисијата од бугарска страна, разговорите во Софија ги опиша како многу интензивни и полни со емоции. „Имаме многу длабоки разлики во толкувањата од минатото и, пред сè, на начинот на кој сакаме да ги решиме контроверзните прашања и да го минимизираме она што нè спречува да ги земеме најпозитивните нешта од минатото“, рече професорот Димитров.

Тој уште еднаш потенцираше дека договорот ја заложува идејата за заедничко минато на двата народа, како и заедничкото славење на историските личности од тоа минато. „Имаше напредок на претходните состаноци, но од последната средба се чини дека чувствуваме недостаток на подготвеност да преземеме чекори. За нас е многу важно да продолжиме да работиме во духот, не на компромиси, туку врз основа на договор што може да се постигне врз основа на разбирање на самите аргументи“, рече тој.

Наредната средба е закажана за во октомври.

Драги Георгиев, копретседавачот од македонска страна изјави дека не на секоја средба мора да биде постигнат напредок и дека целта на Македонија е да биде постигнат компримис.

„Не можеме постојано и на секоја средба да постигаме решенија и да има значителен напредок. Дебатите за време на овие два дена покажаа каде треба да бидат насочени нашите усилби. Верувам дека ова е една добра основа за наредбите средби, на кои повторно ќе ја разгледаме темата Гоце Делчев“, изјави Георгиев.

Тој смета дека Гоце Делчев треба да биде чествуван и од македонскиот и од бугарскиот народ и треба да стане мост на нашето добрососедство.

На ова бугарскиот колега додаде дека мостовите треба да имаат здрави основи.

Членовите во комисијата од македонска страна постојано ја бранат „позицијата на македонизмот“, изјави за бугарското Радио Фокус, професор Светлозар Елдаров. Тој објасни дека македонизмот е антипод на бугарската национална идеја, па резултатите од средбата во Софија за историските и образовните прашања меѓу претставниците на Бугарија и на Македонја завршила без договор за клучни прашања.

Професорот Елдаров изрази сомневање дека ќе има нова средба на заедничката ескпертска комисија во октомври во Скопје.

„На 11 Октомври е нивниот национален празник, Денот на народното востание, кое е востание против Бугарите, бугарското воено-административно управување во Македонија за време на Втората светска војна во 1941 година. На 23 октомври, исто така имаат национален празник – Денот на македонската револуционерна борба, односно основањето на бугарскиот македонски-одрински револуционерен комитет, а подоцна Внатрешната македонска револуционерна организација.

На 5 октоврми, исто така за нив е историски ден – почетокот на Кресненското-разловечкото востание , според нив македонско востание“, изјави професор Елдаров. Тој смета дека Договорот за пријателство е „ученички расказ“ зашто во него нема конкретизирања. Тој истакнува дека „историската вистина не подлежи на толкувања“.

spot_img
spot_img
ПОВРЗАНИ СТАТИИ

Најпопуларни

Повеќе постови

Сашо Донев, Лидија Петкоска и Грација Бакраческа кандидати за пратеници од Охрид

Извршниот и Централниот комитет на ВМРО-ДПМНЕ ги усвои пратеничките листи на ВМРО-ДПМНЕ и Коалицијата за наредните парламентарни избори. На листата во петтата изборна единица има...

Села оди во коалиција со Ахмети, очекува најмалку пет пратенички мандати

Алијанса на Зијадин Села оди во коалиција со Али Ахмети. Со само еден делегат против било одлучено АА да стапи во коалиција со ДУИ...

Тепачка помеѓу вработени во болница во Карпош

Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени...

Општините ќе можат да конфискуваат дивоградби и наместо да ги уриваат да ги доделат на користење на ранливи групи

Општините ќе можат да конфискуваат дивоградби и наместо да ги уриваат да ги доделат на користење на ранливи групи или младински организации. Како што...