Светиот синод на Грчката православна црква, по барање на Вселенската патријаршија, и официјално ја призна автокефалноста на Украинската православна црква (УПЦ).
Во гласањето во Синодот учествуваа 80 епископи, а одлуката ја објави Архиепископот Атински и на цела Грција, Јероним.
На 6 јануари оваа година Вселенскиот патријарх Вартоломеј во Истанбул потпиша указ за автокефалност на Украинската православна црква. Претходно, патријархот го поздрави успешното одржување на обединувачкиот собор во Украина.
