10.1 C
Ohrid
петок, ноември 15, 2019
Почетна Австралија Македониците низ светот Македонец фаворит за селектор на американскиот женски национален фудбалски тим

Македонец фаворит за селектор на американскиот женски национален фудбалски тим

Translate (Eng):[gtranslate]

Влатко Андоновски ќе биде именуван за селектор на американскиот женски национален фудбалски тим, пренесува порталот „Спортс илустрејтед“ повикувајќи се на неименувани извори. Официјалната презентација е планирана за понеделник и ќе се одржи во Њујорк.

43-годишниот Андоновски беше прв тренер на фудбалскиот клуб „Рејн“ во Националната женска фудбалска лига во текот на изминатите две сезони откако си замина од „Канзас Сити“.

Според повеќе неименувани извори, Андоновски засега е најголемиот фаворит за позицијата. На клупско ниво, Андоновски тренирал влијателни американски ветеранки, меѓу кои е и Меган Рапино.

РЕКЛАМА

Првите натпревари за Андоновски ќе бидат следниот месец, кога САД ги пречекуваат Шведска и Костарика на 7 и 10 ноември во последните натпревари за 2019 година.

Инаку, Андоновски е роден на 14 септември 1976 година во Скопје и е македонско-американски фудбалски тренер и поранешен играч. Тој живее во Канзас Сити, Мисури, заедно со неговата сопруга и нивните три деца.
- Реклами -