На јапонската планина Фуџи пронајдено било тело на планинар за кое се претпоставува дека настрадало додека во живо, преку социјалните мрежи го пренесувал своето качување на врвот на планината.
Постои сомнение дека се лизнал и паднал. Полицијата покренала голема потрага надевајчи се дека ќе го пронајдат жив, но на висина од 2.700 метри нашле тело на маж.
На снимката може да се слушне како планинарот вели дека му се вкочаниле прстите од студ и дека би сакал да понел греачи.
Токму кога рекол дека патот кон врвот е многу лизгав и покриен со снег, одеднаш почнал да паѓа. Тогаш снимката прекинала.
Качувањето на највисоката планина во Јапонија е дозволено само од јули до 10. септември.
