9.9 C
Ohrid
четврток, март 28, 2024
ПочетнаМакедонијаКамчев: Блиски сме со мажот на Шеќеринска? Знаам дека жената нема врска...

Камчев: Блиски сме со мажот на Шеќеринска? Знаам дека жената нема врска со ова?

Во продолжението на денешното сведочење на бизнисменот Орце Камчев, кој тврди дека истрагата „Империја“ против него била конструирана за да го рекетираат Бојан Јовановски-Боки 13 и Катица Јанева, тој кажа како се охрабрил случајот да го пријави лично кај премиерот Зоран Заев.

Откако претходно на сведочењето на „Рекет“ кажа дека случајот првин го пријавил не во УБК, туку кај тогашниот директор Горан Николовски, на кого му кажал дека ќе го снима давањето милион евра на Бојан Јовановски, Камчев рече:

„Се јавив директно кај премиерот Заев. Побарав да ме прими во неговиот кабинет, отидов и раскажав какви снимки имам, како ме рекетираат Јовановски и Јанева. Ме ислуша. Човекот беше запрепастен. Ми рече ‘остави ме два дена, шокиран сум‘. По два дена се јави и ми кажа сѐ што имам да пријавам и да однесам кај обвинителката за организиран криминал Вилма Русковска“.

Потоа тој рече дека Јовановски злоупотребувал 95% од актуелните политичари, покажувајќи фотографии со нив, а тие немале врска со неговата криминална шема. За вицепремиерката Радмила Шекеринска Камчев рече дека и таа била злоупотребена, така што Боки 13 му покажувал фотографија со неа, за да му се закани дека е близок и со неа и треба да ги даде парите.

„Се разбира, не потпаднав под тоа. Не поверував, ја знам жената, не е таква“, кажа Камчев.

Потоа откри како Боки 13 и Сергеј Варошлија го малтретирале и уредникот во „1ТВ“, Ацо Кабранов. Ноќе му се јавувале со мутирани гласови да му се закануваат, го терале да пријавува во полиција, за на крај Јовановски да излезе негов спасител. Со ова, рече Камчев, сакам да кажам каква маша телевизија беше неговата „1ТВ“.

КАТИЦА НА РАСПИТ ВО СЈО МИ РЕЧЕ ДА ГО ЗАВРШАМ ТОА ШТО ГО ДОГОВАРАМ СО БОКИ, СВЕДОЧИ ОРЦЕ КАМЧЕВ НА „РЕКЕТ“
ЌЕ СЕ ЗАВРШИ РАБОТАТА ЗА „ИМПЕРИЈА“, ГЛЕДАШ ТУКА СЕДИ СИНОТ НА КАТИЦА, Ѝ КАЖАЛЕ НА АНА КАМЧЕВА, СПОРЕД СВЕДОЧЕЊЕТО НА ОРЦЕ КАМЧЕВ
НЕЗАДОВОЛЕН ОД СУМАТА ШТО МУ ЈА ПЛАТИВ ЗА РЕКЛАМА НА 1ТВ, БОКИ МИ ПРАТИ СЛИКА СО КАТИЦА, СВЕДОЧИ КАМЧЕВ НА „РЕКЕТ“
Во вкрстени прашања, Камчев беше прашан каков совет му дал директорот на УБК за приватните видео и аудиоснимки што ги правел од куќен притвор.

„Горан ми даде совет да ги зачувам сите хард дискови во оригинал, како и сите уреди што се користени во снимањето додека бев во куќен притвор. Ми рече да ѝ ги дадам на обвинителката Русовска, зашто само таа може да ја разоткрие криминалната шема и да ги гони кривично Јовановски, Јанева и останатите актери во ‘Рекет‘“, рече Камчев.

Сведочењето уште трае.

С. К. ДЕЛЕВСКА

spot_img
spot_img
ПОВРЗАНИ СТАТИИ

Најпопуларни

Повеќе постови

Автопатот Кичево – Охрид како легендата за Радин мост – Дење го градат, ноќе паѓа

Автопатот Кичево – Охрид станува историски, како Радин Мост во Кратово. Според легендата, го ѕидале девет браќа. Дење го граделе, ноќе паѓал. За да го...

Стојанче вели дека треба да остане директор, оти Мечките се буделе од зимскиот сон, а исто така иде сезона од пожари !!

Претседателот на Достоинство, Стојанче Ангелов смета дека треба да остане на директоркската функција бидејќи државата се наоѓа во специфична ситуација. -Талат Џафери е технички премиер....

Кривична против маж од кочанско, им се заканувал на полицајци преку Фејсбук

Надворешна канцеларија за криминалистички работи Кочани поднесе кривична пријава против Д.Р.(37) од село Облешево, кочанско, поради постоење основи на сомнение за сторени три кривични...

Да не се чудиме зошто се однесуваат ЕУ и светот вака кон нас

❗️Важно е да не одите надвор без да постигнете консензус дома, оти во стартот сте послаби! Да не се чудиме зошто се однесуваат ЕУ...