Првиот натпревар од ноќешната програма во НБА помеѓу Хјустон рокетс и Денвер нагетс, очекувано, почна со едноминутно молчење во чест на големиот Коби Брајант, кој загина денеска во хеликоптерска несреќа во близина на Лос Анџелес.
Moment of silence before the Rockets and Nuggets game for Kobe. pic.twitter.com/P6NxP8lKGt
— Legion Hoops (@LegionHoops) January 26, 2020
Кошаркарите на двата тима како и присутните на трибините во неверица гледаа во големиот екран во салата на кој стоеше ликот на поранешната ѕвезда на Лејкерс со датумите на неговото раѓање и неговата смрт. На повеќето лица можеа да се забележат и солзи, кои многумина не можеа да ги задржат од тага поради големата трагедија која го зеде сигурно еден од најдобрите кошаркари во историјата на овој спорт.
Kobe Bryant Memorial at the Tel Aviv Derby between Maccabi & Hapoel. pic.twitter.com/1bo4cxZcFG
— Sports Rabbi (@thesportsrabbi) January 26, 2020
Играчот на „ракетите“, Пи-Џеј Такер на своите патики го имаше испишано бројот на Брајант, како и кратенката „РИП“, која означува „почивај во мир“, а на сличен начин почит изразија и уште неколкумина од таборите на двата тима.
