9.9 C
Ohrid
четврток, октомври 1, 2020
Почетна Свет И покрај вирусот пак јадеме диво месо- Во Кина апетитиот за диво...

И покрај вирусот пак јадеме диво месо- Во Кина апетитиот за диво месо е сеуште популарен

Translate (Eng):[gtranslate]

Во изминатите неколку седмици кинеската полиција вршеше претреси на куќи, ресторани и помали пазари ширум земјата, при што ги апсеше лицата кои ја прекршуваат привремената забрана за лов, продажба или консумација на диви животни.

За тоа колку била голема акцијата најдобро говорат бројките – над 700 уапсени лица и повеќе од 40 илјади запленети животни. Ова најдобро укажува на тоа дека кинескиот апетит за диви животни или желбата нивните органи да ги користат во традиционалната медицина нема да исчезнат преку ноќ и покрај тоа што преку одредени животни се шири смртоносниот Корона вирус.

Кинеските трговци кои во „нормалните времиња“ можеа легално да продаваат кучиња, елени, крокодили и разни други животни, велат дека планираат да му се вратат на бизнисот кога пазарите повторно ќе се отворат.

РЕКЛАМА

„Сакам да тргувам кога забраната ќе се укине. Луѓето сакаат да ги купуваат, за себе или како подарок за другите“, изјави Гонг Јиан, сопственик на продавница за месо и „лекови“ направени од диви животни.

Научниците се сомневаат, иако не е докажано, дека новиот Корона вирус бил пренесен на луѓето преку Панголин, мал цицач чии лушпи од телото се високо ценети во традиционалната кинеска медицина.

Некои од првите зарази беа откриени кај луѓе кои посетиле пазар во Вухан каде се продавале најразлични животни, од лилјаци, па се до змии, крокодили и кучиња. Кинеските власти привремено ги забранија сите такви пазари, предупредувајќи дека консумацијата на месото на тие животни претставува закана по јавното здравје и безбедност.

„Многу луѓе сметаат дека животните живеат за човекот и дека не се само обични жители на Земјата“, изјави кинескиот пензиониран зоолог Ванг Сонг.

Инаку, бројот на смртни случаеви во Кина како последица на Корона вирусот порасна на 1,873 лица. Надвор од Кина забележани се пет смртни случаеви, додека ширум светот се заразени над 73 илјади лица.

- Реклами -