Коронавирусот кој стана најголем непријател на целиот свет, на сите граѓани ширум светот ги доведе земјите и на Балканот да спроведат строги мерки за борба против истиот, а дел од нив прогласија и вонредна состојба.
Светската здравствена организација (СЗО) денеска ги повика сите земји да ги засилат програмите за тестирање како најдобар начин да ја забават пандемијата на вирусот Ковид-19.
Она што доаѓа како најнова строга мерка е кај нашиот сосед Албанија каде што се воведува забрана за пешачење по 18:00 часот и стапуваат во сила казни за пешаците и за оние кои ќе седат во парковите или на други отворени места низ цела Албанија. Во меѓувреме, бројот на заразени во Косово се зголеми на 13, по четирите нови случаи.
Во меѓувреме кај нас, во кабинетот на претседателот на државата Стево Пендаровски се одржува советот за национална безбедност ја разгледува ситуацијата со коронавирусот, а во текот на утрешниот ден ќе се одржи и лидерска средба каде што ќе се разгледува прашањето за одложување на изборите.
Како што соопштија од Кабинетот на шефот на државата, на лидерската средба е најавено присуство на претседателите на СДСМ, Зоран Заев, на ВМРО-ДПМНЕ, Христијан Мицкоски, на ДУИ, Али Ахмети, на Алијанса за Албанците, Зиадин Села, на Алтернатива, Африм Гаши, на Движење Беса, Билал Касами и на ДПА, Мендух Тачи. На средбата ќе присуствуваат и претседателот на Собранието Талат Џафери и премиерот Оливер Спасовски.
