Секојдневно бројот на заболени во Македонија расте, за жал денес го имавме и вториот смртен случај, пикот на заболени се очекува да се зголеми за една недела како што изјавиа од министерсво за здравство. Моменталната бројка на луѓе кои се во карантин е над 8.000 за кои до прва ќе се знае кои се позитивни а кои не.
Министерството за здравство исто така не информира дека во изминатите 24 часа се регистрирани 22 нови случаи на коронавирус во земјата. По градови: Скопје (15), Дебар (4), Куманово (2) и Охрид (1).
Со ова, вкупната бројка на дијагностицирани пациенти со КОВИД-19 денеска до 12.00 часот, изнесува 136, од кои 1 излекуван и 2 починати пациенти.
Според местото на живеење, досега случаи на КОВИД-19 се регистрирани во:
– Скопје (81) – од кои едно лице е од Богданци, а живее во Скопје
– Дебар (40) – од кои 1 починат
– Штип (7)
– Куманово (3) – од кои 1 починат
– Кавадарци (2)
– Охрид (2) – од кои 1 лице е од Скопје а е во иозлација во Охрид
– Гостивар (1).
Mаж на 63 годишна возраст од Дебар, е вториот смртен случај од коронавирус во Македонија. Претходно од Министерството информираа дека кај него синоќа дошло до нагло влошување на состојбата.
-Пациентот е хоспитализиран на Клиниката за инфективни болести и фебрилни состојби на 17 март, без покачена температура, но со наод на белите дробови и бил зависен од кислород. Во текот на ноќта нагло се влошува неговата состојба, веднаш е интубиран, ставен на респираторна машина, но во неколку часа неговата состојба дополнително се влошила и пациентот починал. Пациентот немал позната историја на коморбидитет, соопштија од Министерството за здравство.
