90-годишна пациентка почина во Белгија после заразата со коронавирус затоа што одбила докторите да ја приклучат на респиратор – таа им рекла да ја чуваат машината за некој помлад пациент.
Сузан Хојлаерс од местото Бинком во Белгија била хоспитализирана на 20-ти март откако нејзината здравствена состојба поради коронавирусот нагло се влошила. Била сместена во изолација, што значи дека ниту нејзиното семејство не можело да ја посети.
„Не сакам на респиратор, чувајте го тоа за младите пациенти. Јас веќе имав добар живот“, им рекла Сузан на докторите.
Два дена подоцна таа починала. Нејзината ќерка Џудит за белгиски “Het Laatste Nieuws“ изјавила: „Немав шанса ниту да се збогувам со неа, не смеам ниту да одам на нејзиниот погреб“.Ќерката на починатата изјавила дека семејството е изненадено и воопшто нема претстава како Сузан се заразила со коронавирусот, со оглед на тоа што константно била дома и внимателно ги следела сите пропишани мерки.
Според последните податоци, Белгија има 705 смртни случаи како последица на коронавирусот, а во оваа земја е регистрирано и најмладото лице кое што починало од Ковид-19. Станува збор за 12-годишно девојче кое деновиве почина од вирусот.
Точка
