На социјалните мрежи денеска се појави видео на кое две момчиња брутално претепуваат девојка и се снимаат. Девојката ги моли да престанат, а тие ја обвинуваат дека излажала дека е бремена.
Министерот за внатрешни работи Наќе Чулев истакна дека насилниците од видеото со вознемирувачка содржина што претпладнево кружи на социјалните мрежи, по преземените мерки за идентификација, се лишени од слобода и се предмет на натамошно постапување. Според информации од полициската станица во Штип, станува збор за лицата С.А. и П.Р.
За конкретниот настан и преземените мерки е известено и Основното Јавно Обвинителство.
Во врската со видеото со вознемирувачка содржина, претходно се огласи и заменик министерката за внатрешни работи, Славјанка Петровска која навести дека Бирото за јавна безбедност и Центарот за социјални работи постапуваат по случајот и најави најстроги санкции за насилниците за нивното нечовечко однесување.
