Законот треба да биде еднаков за сите и за да не дојде до недоразбирање требаше да биде и ангажиран и црвениот крст да ја подели храната на тие што им е неопходна. Педесетина лица попладнево, по започнување на полицискиот час се собрале пред домот на лидерот на СДСМ Зоран Заев во Струмица каде, спротивно на сите препораки за заштита од коронавируост, од тоа што го дознаваме, чекале донација од првиот човек на социјалдемократите.
Се уште нема одговор за тоа кој им ветил донација на луѓето кои се собрале пред домот на Заеви во Струмица, но она што е сигурно е дека ваквото собирање е апсолутно недозволено по 16.00 часот за време на викенди, а воопшто, ако се почитуваат препораките на Министерството за здравство.
Казниво, освен излегувањето во полициски час е и групирањето во групи поголеми од пет лица.
Зоран Заев вчера информираше дека тој и неговото семејство донирале на сиромашните луѓе, додека невладините организации кои се занимаваат со изборниот процес предупредуваат дека ваквите појави се класичен изборен поткуп.