13.9 C
Ohrid
петок, март 29, 2024
ПочетнаМакедонијаДокторот од Дебар Арбен Аголи го победи коронавирусот: Се лекував со Азитромицин...

Докторот од Дебар Арбен Аголи го победи коронавирусот: Се лекував со Азитромицин и еден препарат за имунитет.

Педијатарот од Дебар, доктор Арбен Аголи, го победи коронавирусот. Имал два негативни контролни теста за Ковид 19, а денеска ќе му биде направен и трет. Слободен печат разговараше со лекарот за сите аспекти, од медицинските до психолошките, и како доктор Аголи успеа да се избори со вирусот кој го промени текот на животот и кај нас и во светот. Лекарот вели дека е спремен, доколку и денешниот трет тест му е негативен, да дарува крв бидејќи крвната плазма од ковалесцентите, може да им помогне особено на оние пациенти кои се со тешка клиничка слика, во точно определени медицински услови.

-Јас сум спремен за таа работа, ќе го направам и денеска тестот, и ако е негативен, ќе објавам дека сум спремен да дарувам крв, бидејќи само на тој начин можам да им се оддолжам на сите луѓе кои ми се јавија и ми изразија поддршка. За тие што се критични, плазма од ковалесцент може да помогне. Плазмата како терапија е резервирана за тие со тешка клиничка слика – ни рече Аголи.

Како се чувствувавте во текот на болеста и колку време траеше опоравувањето?

– Главно во текот на болеста се чувствував добро поголемиот дел од времето. Но, од време на време се чувствував изнемоштен, имав слаб апетит и чувствував омалаксаност. Но, немав температура, немав кашлица, ни тешко дишење. Самоизолацијата ме депримираше, но фала Богу живеам во сопствена куќа, имам прекрасен двор така што најголемиот дел од времето го поминував во дворот и тоа ми даде малку повеќе сила да ја пребродам целата ситуација. Цело време бев на домашно лекување.

Како дознавте дека сте негативен на коронавирусот, како се одредува тоа?

– Откако ќе заврши 14-дневниот карантин, тогаш се прават две тестирања. Едниот тест се прави, па потоа се прави втор по 48 часа. И така, ако се добијат два негативни теста, се смета дека некој е негативен. После тоа следува уште еден тест, кој ќе ми го направат денеска. Тоа е трет, контролен тест. Ако и тој е негативен, тогаш дефинитивно се смета дека сте излекуван. Ако и третиот тест ми е негативен, ќе одам на работа, со комплетна заштита.

Каква терапија примавте?

– Бидејќи имав симптоми, ми дадоа лекови. Од Инфективната клиника ми советуваа да земам азитромицин. Земав Сумамед шест дена, витамини и еден препарат за појачување на имунитетот.

Имате ли порака за граѓаните?

– На сите кои не се здравствени работници, максимално им препорачувам да водат сметка за личната хигиена, да избегнуваат дружења, да не се собираат покрај кејот или на нашето Дебарско Езеро, да ја почитуваат социјалната дистанца што ја препорачуваат од 2 метри, да носат заштитни маски и ракавици. Штитејќи се себеси, така помагаат да се штитат и другите. На моите колеги, здравствени работници, сакам да им кажам да бидат многу многу внимателни! Буквално секој пациент со кој доаѓаат во комуникација, нека го сметаат за ковид позитивен, во смисла, под наводници, за да бидат максимално ангажирани во својата заштита и во заштитата на пациентите.

слободен печат

spot_img
spot_img
ПОВРЗАНИ СТАТИИ

Најпопуларни

Повеќе постови

Вознемерувачки фотографии од тешката сообраќајна незгода во Кичево во која животот го загубија три лица.

Шило Магазин дојде до ексклузивни фотографии од тешката сообраќајна незгода во која има тројца загинати и неколкумина повредени лица. МВР соопшти дека утрово во 4.50...

Страшна сообраќајка кај Кичево – тројца млади загинаа, неколкумина тешко повредени

Тројца загинати и неколкумина повредени лица е последица на страшната сообраќајна несзгод ашто се случила рано утрово во Кичево, информир аполицијата. МВР соопшти дека утрово...

Излажан Тетовчанец за 11.000 евра: Албанец му ветил дека ќе му отвори фирма во Дубаи, па останал и без пари и без фирма..

57-годишен жител на тетовско село, вчера во 14 часот и 40 минути во СВР Тетово пријавил дека 58-годишниот М.М. од Република Албанија во текот...

Зајкова: Легализацијата на употребата на канабис ќе донесе ред и економски придобивки за државата

ЛДП е првата партија што во својата програма има ставено дека се залага не само за декриминализација на канабис, туку и за легализација на...