10.9 C
Ohrid
четврток, март 28, 2024
ПочетнаМакедонијаОхридОхриѓани оваа лето го гледаат спасот во домашните туристи, дали Скопјани ќе...

Охриѓани оваа лето го гледаат спасот во домашните туристи, дали Скопјани ќе го спасат Охрид?

Туристичкиот сектор објективно гледано е најпогоден од мерките за изолација. Оценка на хотелиерите е дека доколку мерките за изолација бидат олеснети во текот на наредниот месец, доколку следи постепено опуштање на рестриктивните ограничувања и нормализација на состојбите, преку добро осмислени мерки, со позитивна пропаганда и соодветна поддршка од медиумите, работите во секторот ќе се подобрат, пишува МИА.

Доколку компаниите, фирмите, спортските клубови, но и државните институции ја дадат својата поддршка на домашниот туризам тогаш туристичкиот сектор ќе ги надмине проблемите, сметаат хотелиерите. Во најголем дел тие излезот од кризата во секторот го гледаат преку промоција и поддршка на домашниот туризам, надополнување на откажаните аранжмани на странските оператори со домашни туристи.

Конкретно зборувајќи за Охрид како наша најпозната туристичка дестинација, хотелските менаџери пропуштениот период на целосна забрана за работа го посочуваат како период во кој се е изгубено оттаму што во месеците март и април во Охрид никогаш немало позначајна туристичка посетеност.

Свесни се дека враќањето на состојбите во секторот во нормала ќе се одвива постепено, но мора да се работи плански, со коодинираност на сите стопански субјекти, од сите стопански гранки и области.

– Доколку сите стопански субјекти своите активности ги насочат на правилен начин, од оваа криза ќе излезиме како победници. Туристичката дејност не е изолирана од другите стопански сектори. Ние за нашите услуги трошиме суровини, истите ги набавуваме од домашни партнери, дали е тоа струја, прехранбени производи, услуги. Како субјекти кон јавните претпријатија имаме огромни давачки. Доколку јавните претпријатија на вработените им понудат одмор во домашните капацитети со одредени бенефиции, со цена на сместување формирана преку пребивање, тоа ќе биде од полза на сите, изјави Љупчо Цветаноски, директор на хотелите „Климетица“ и „Маива“, со капацитет од некаде 140 легла.

Цветаноски потсетува дека туристичката сезона во Охрид секогаш била во периодот од мај до октомври, а секторот за странските туристи секогаш давал „екстра“ цена, со разни поволности и мерки за поддршка.

– Доколку таа „екстра“ цена и понуда ја дадеме на домашните јавни претпријатија, на домашните фирми, компании преку закупи на аранжмани, ние ќе дојдеме до резултати речиси идентични како со странските гости, уште повеќе што нашиот турист знае да потроши, изјави Цветаноски.

Тој смета дека моменталната ситуација кога ниту еден турист нема сигурност ниту гаранција за заштита, логично е да се размислува за користење одмор во домашните центри наместо патување надвор.

– Одморот не е само аранжманот ниту морето. Отсуството на соодветна здравствена заштита кога сте во странство само по себе носи несигурност. Домашниот туризам тука е во предност, оттаму што ги елиминира евентуалните несакани последици доколку настапат здравствени проблеми, а се наоѓате во странска држава. Ние во соработка со стопанските комори и сите субјекти сме во состојба да формираме добра понуда со цена прифатлива за просечен граѓанин, да може да си дозволи да летува во Охрид, Струга, Дојран, во сите туристички центри со кои располагаме, вели Цветаноски.

Што се однесува на најавените, а пропуштените настани од областа на семинарскиот и конгресниот туризам, оценка на хотелиерите дека истите можат да се реализираат наесен, секако доколку тоа биде добро осмислено и вклопено во мерките што ќе ги спроведува Владата за поддршка на туристичкиот сектор.

Охридско-струшката ривиера располага со хотелски капацитети со некаде до четири илјади легла. Од нив речиси 40 проценти се пополнети со лица кои државата ги смести во задолжителен карантин.

Во овој миг хотелот „Климетица“ е целосно исполнет со лица кои преку мерките на државата се во задолжителен карантин. За нив државата ќе исплати по десет евра од лице дневно, што реално гледано може да пополни некоја од празнините наметнати од ситуацијата.

– Закупот се врши за цел капацитет. Моментално во „Климетица“ има 83 лица во карантин за период од 14 дена, во месец април. Тоа е навистина ниска цена, но тоа е нашата поддршка во овие кризни времиња кон државата, дотолку повеќе што на располагање е целиот објект, а не само некоја соба. Добро изменаџирано тоа е математика што може да ни ги покрие трошоците во овој период, така што на некој начин успешно се справуваме со ситуацијата. Понатаму ќе размислуваме за тоа како да се анулираат негативните последици од ситуацијата, рече тој.

Претседателот на Техничката влада Оливер Спасовски најави дека Владата ќе утврди нови мерки со цел ублажување на последиците во туртистичкиот сектор.

– Ние веќе подготвивме два сета економски мерки, од кои првиот директно беше наменет за туристичкиот сектор, за да може уште во самиот почеток да има финансиски средства за ликвидност. Исто така, на располагање на овој сектор беа ставени и економските мерки од вториот сет. Во моментов се прават дополнителни анализи посебно за секоја од гранките. Секако дека најверојатно ќе имаме потреба од носење нов сет на мерки, меѓутоа тие треба да се носат посебно за туризмот, за да ги намалиме негативните ефекти во оваа гранка. Во постојан контакти сме и треба да биде јасно дека Владата ќе направи се што треба да направи за да им помогне на компаниите и работниците, изјави Спасовски.

Ситуацијата наметната со забраната за работа дел од хотелиерите и угостителските работници ги искористија за освежување на објектите, чистење, некои вршат реновирања, реконструкции, сето во надеж на подобрување на состојбите. Однапред закажаните манифестации се презакажани за подобри времиња, но сето врзано за текот на настаните. Сметаат дека е неблагодарно да се проценува како се одвиват настаните во иднина, но засега останува да важи истата препорака, потребата од што подоследно почитување на мерките, се со цел што поскора нормализација на состојбите, па потоа со добро осмислена стратегија да се работи за враќање на гостите во Охрид. МИА

spot_img
spot_img
ПОВРЗАНИ СТАТИИ

Најпопуларни

Повеќе постови

Села оди во коалиција со Ахмети, очекува најмалку пет пратенички мандати

Алијанса на Зијадин Села оди во коалиција со Али Ахмети. Со само еден делегат против било одлучено АА да стапи во коалиција со ДУИ...

Тепачка помеѓу вработени во болница во Карпош

Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени...

Општините ќе можат да конфискуваат дивоградби и наместо да ги уриваат да ги доделат на користење на ранливи групи

Општините ќе можат да конфискуваат дивоградби и наместо да ги уриваат да ги доделат на користење на ранливи групи или младински организации. Како што...

Дуел Ковачевски-Мицкоски на трети април!

Во Среда на 3 април, ден пред стартот на предизборната кампања за претседателските и парлемнатрните избори, Канал 5 телевизија ќе има чест да ви...