30.9 C
Ohrid
недела, август 1, 2021
Почетна Македонија Зекири излезе од Инфективна: Крајно време е луѓето да се освестат за...

Зекири излезе од Инфективна: Крајно време е луѓето да се освестат за вирусот

Translate (Eng):[gtranslate]

Потпретседателот на СДСМ Мухамед Зекири на Фејсбук објави дека ја напуштил Клиниката за инфективни болести и дека со неговото семејство се дома и, како што вели, живи и здрави.

Зекири им се заблагодари на докторите и медицинскиот персонал од Клиниката кои биле со нив, како што вели, во најтешките времиња и 24 часа во служба на хоспитализираните пациенти.

„Искрено посакувам ниту еден од вас да не мора да помине низ тоа што го поминав јас со моето семејство. Тоа не би му го посакал ниту на мојот најголем непријател. На оние кои и натаму мислат дека вирусот не постои и сѐ уште имаат несериозен пристап кон ковид-19, сакам да им порачам дека е крајно време да се освестат“, напиша Зекири на Фејсбук.

РЕКЛАМА

Вчера, и директорката на Управата за јавни приходи Сања Лукаревска соопшти дека по два негативни теста на коронавирус, се враќа на секојдневните обврски.

На 31 мај беше соопштено дека пратеникот Зекири е позитивен на коронавирус, а утредента вирусот беше потврден и кај Лукаревска. Поради средби со нив, во двонеделна самоизолација беа министрите Дамјан Манчевски и Мила Царовска.

- Реклами -