6 C
Ohrid
среда, март 3, 2021
Почетна Македонија Нема повеќе место на инфективна, три пациенти се веќе сместени во монтажната...

Нема повеќе место на инфективна, три пациенти се веќе сместени во монтажната болница..

Translate (Eng):[gtranslate]

На Инфективната клиника од вчера се користи и монтажната болница, каде се сместени тројца пациенти. Одделението е целосно опремено, а има и лекари и сестри, соопшти министерот за здравство Венко Филипче.

Во следните седум дена се очекуваат повеќе пациенти да бидат примени отколку испишани и затоа мора здравствениот систем да биде подготвен.

Во изминатите два три дена интензивно работевме на реорганизација на јавните здравствени установи со оглед на напливот на пациенти, некаде околу 330. Медицинските работници се изморени. Целиот фокус го насочивме на клиничкиот дел. Во оваа фаза се обидовме да мобилизираме здравствени работници онаму каде се потребни. Здравствените капацитети се оптоварени, но можеме и мора да издржиме – рече Филипче.

РЕКЛАМА

Од вчера на ротација и помош на Инфективната клиника и на ГОБ „8 Септември“ пристигнаа 54 лекари и медицински сестри. Веќе е направен план за следна ротација како од клиниките и од внатрешноста.

Клиниките се различно пополнети, но далеку од максимум, уверува Филипче.

Во однос на реорганизацијата веќе разговарав и со приватните клиники кои го понудија својот кадар, ако има потреба и тој кадар ќе биде на располагање на јавно-здравствените установи, додаде министерот.

На располагање е и одделението во Кавадарци, каде се уште нема пациенти. Добри се капацитетите и во тетовската болница, каде има осум пациенти, а може да се користат до 100. Во Охрид има слободни уште пет места, но во договор со болницата во Битола се обезбедуваат двете болници, за пациентите од Струга и околината.

Во „8 Септември“ има 250 кревети, таму сегашниот кадар е целосно посветен, а има список и на колеги кои ако има потреба ќе помагаат.

Покрај персоналот што го понудија приватните болници, може да се искористат и нивните сместувачки капацитети. За сега нема потреба, но стојат на располагање, додаде Филипче.

Скопје е големо жариште, каде епидемиолозите имаат проблеми со прибирање податоци, делумно така е и Тетово, а во другите градови ситуацијата е стабилизирана, смета Филипче.

Во однос на регионот земјите бележат раст. Три земји имаат пик Бугарија 112 Албанија 62 Косово 141 нови 45 случаи во БиХ и 59 во Србија, додаде министерот.

- Реклами -