Најевтиниот стан во луксузниот подземен бункер кој што гарантира пет години преживување по евентуални социјално-економски проблеми во САД, како ова со Ковид-19 чини 1 милион долари.
Цената на одржување на станот во подземниот бункер е 2.500 долари годишно и тоа со вклучен интернет, муниција, вода и струја.
Компанијата „Survival Condo“ нуди станови во напуштената ракетна област „Atlas F“ која што половина од минатиот век градела инженерски корпус за армијата на САД и која што се наоѓа во руралните краеви на Америка.
Подземните ракетни силоси, каде што некогаш се наоѓале интерконтиненталните атомски проектили, одат 200 метри под земја и можат да примат 75 жители.
На горните катови од куполата има базен и просторија за водоснабдување. Седум катови се наменети за живеење, додека пак на последните четири катови има библиотека и училници, како и соба за вежбање со сауна.
Скали и лифтови има на секој кат.
Станува збор за најиздржливи структури кои што некогаш биле направени и кои што можат да преживеат директен нуклеарен удар.
Како што известиле од „CNET“, еден кат од овој објект е голем 1.820 метри квадратни и се дели на две целини од по 900 квадрати.
На еден кат максимално можат да живеат 10 луѓе.
Погледнете ги видеата:
точка.мк
