Министерот за здравство, Венко Филипче, уште еднаш на својот Фејсбук профил потсети на значењето на носењето на заштитна маска при спречување на ширењето на Ковид-19.
Тој на својот профил објави фотографија на која пишува „Потешко се дише на респиратор. Носи маска“, а под неа повторно укажа на трите основни правила за заштита од Ковид-19.
„Маските мора да станат наше секојдневие. Тие докажано не штитат нас, но и другите околу нас. Кога две лица правилно ги носат маските, веројатноста да се заразат меѓусебно е 1.5 проценти. Носи маска, одржувај дистанца, не се групирај“, пишува Филипче на Фејсбук.
