11.9 C
Ohrid
петок, март 29, 2024
ПочетнаМакедонијаВо Прилеп направен бетонски прстен на МВР за заштита на податоците при...

Во Прилеп направен бетонски прстен на МВР за заштита на податоците при терористички напади во Прилеп

Голема бетонска сфера, објект во облик на круг кој може да се најде и на мапите на гугл, до крајот на годината ќе биде наполнет со опрема и ќе стане паралелен односно дополнителен центар за потребите на МВР. Во него ќе се чуваат податоци од информативните бази на МВР, се вика центар за продолжување на активностите и за обнова после катастрофи. Бетонскиот прстен е во средина на објектот кој е заштитен со бодликава жица и се наоѓа во предградието на Прилеп, веднаш до армиската касарна. За овој објект кој е дел од македонските обврски за придружување на Европската Унија, платени се преку ИПА фондовите и државниот буџет околу 3,4 милиони евра.

Но за тоа како ќе изгледа внатре, македонската полиција ги криеше информациите од сензитивни безбедносни причини, затоа што таму ќе се наоѓа база на податоци и скапа софистицирана опрема која пополека се вградува внатре во објектот. И покрај тајноста, на српскиот веб сајт „градња“ излезе напис на оваа тема, но и фотографии од внатрешноста на бетонскиот прстен кој од високо наликува и на вселенска база. Надлежните од МВР ги известиле финансиерите од ИПА дека се објавени фотографиите преку архитектот на бетонскиот прстен кој е од Белград.

Објектот служи за складирање на сите информации кои ги поседува МВР, од бази на податоци со лични документи и информации до кривични евиденции и списоци на дозволи за определени безбедносни области. Тоа ќе биде резервната, паралелната база на МВР која ќе се користи во случај кога основната база во МВР ќе настрада во евентуални терористички напади, вооружени напади и бунтови или при природни катастрофи и големи земјотреси. Во случај на такви несреќи, кога основниот информатички систем ќе падне, тогаш државата ќе продолжи да функционира но преку резервната база во облик на бетонски прстен.

Објектот е сместен во близина на Прилеп, а локацијата е избрана како најпогодна од трите понудени. Се наоѓа во центарот на државата, лесна е за обезбедување бидејќи прв сосед и армиска единица, а во овој простор најмалку се изразени сеизмолошките опасности и ризици од поплави бидејќи е на високо.

Структурата на објектот се состои од двојна бетонска конструкција направена од масивни армирани бетонски sидови, така што серверите остануваат стабилни и во случај на природни непогоди, но и тероризам, обиди за кражба, екстремни температури, оштетување од висок електричен напор. Бидејќи центарот е голем и има големи можности, откако МВР ќе ја смести својата база, останатиот простор ќе биде понуден на сродните институции како што се УЈП, финансии, одбрана и армија со што би се зголемил капацитетот на државата при катастрофи, несреќи или евентуални напади.

 

 

 

 

spot_img
spot_img
ПОВРЗАНИ СТАТИИ

Најпопуларни

Повеќе постови

Сашо Донев, Лидија Петкоска и Грација Бакраческа кандидати за пратеници од Охрид

Извршниот и Централниот комитет на ВМРО-ДПМНЕ ги усвои пратеничките листи на ВМРО-ДПМНЕ и Коалицијата за наредните парламентарни избори. На листата во петтата изборна единица има...

Села оди во коалиција со Ахмети, очекува најмалку пет пратенички мандати

Алијанса на Зијадин Села оди во коалиција со Али Ахмети. Со само еден делегат против било одлучено АА да стапи во коалиција со ДУИ...

Тепачка помеѓу вработени во болница во Карпош

Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени...

Општините ќе можат да конфискуваат дивоградби и наместо да ги уриваат да ги доделат на користење на ранливи групи

Општините ќе можат да конфискуваат дивоградби и наместо да ги уриваат да ги доделат на користење на ранливи групи или младински организации. Како што...