Прескокнете го бакнувањето и размислете за опцијата носење маска за време на секс за да се заштитите од зараза со корона вирус, изјави во средата главниот медицински офицер на Канада, д-р Тереза Там, додавајќи дека да се биде „сингл“ останува сексуална опција со најмал ризик од пандемијата, пренесува Ројтерс.
Д-р Там рече дека има малку шанси да се заразите со КОВИД-19 од сперма или вагинална течност, но сексуалната активност со нови партнери го зголемува ризикот од заразување со вирусот, особено ако имате близок контакт, како бакнување.
„Како и во другите активности за време на КОВИД-19 кои вклучуваат физичка близина, каде постојат работи што можете да ги направите за да го минимизирате ризикот од заразување и ширење на вирусот“, вели таа.
Прескокнете го бакнувањето, избегнувајте блискост лице во лице, носете маска што ги покрива устата и носот и проверувајте се себе си и вашиот партнер за симптоми пред каква било сексуална активност, рече д-р Там.
„Сексуалната активност со најмал ризик за време на КОВИД-19 не вклучува партнер“, додаде таа мислејќи на самозадоволување.
Сексуалното здравје е важен дел од целокупното здравје, рече д-р Тереза Там, па „Канаѓаните можат да најдат начини да уживаат во физичката интимност додека се грижат да не го нарушат напредокот што го направивме во борбата со КОВИД-19“.
вечер
