Гоце Делчев е македонски револуционер, но и историска фигура, која ги надминува регионалните граници, па поради тоа не е спорно која било држава да ги слави и чествува ликот и делото на револуционерот, изјави денеска претседателот Стево Пендаровски.„Тој е македонски револуционер кој придонел многу за нас. Но, за оние кои тврдат дека тој се борел за Бугарија, тоа за мене не е спорно. Секој може да чувствува некого како свој херој. Нека го чевствува кој сака, тоа може само на нас Македонците да ни прави поголем мерак и задоволство. Тоа што нѐ двои треба да треба да нѐ обединува. Ако тие тврдат дека тој бил Бугарин, кој се борел за бугарската кауза, не е спорно да го слават како битен историски лик. Дали за сите историски ликови треба да се расправаме чии се и за кого и за што дејствувале. Дали треба да спориме, на пример, дали Мајка Тереза била Албанка или Македонка или скопјанка…“, рече Пендаровски, одговарајќи на новинарски прашања по седницата на Советот за безбедност.
Извор мкд.мк
