9.6 C
Ohrid
петок, март 29, 2024
ПочетнаМакедонијаНа распишаниот конкурс за 200 професионални војници се пријавиле над 1800.

На распишаниот конкурс за 200 професионални војници се пријавиле над 1800.

Министерката за одбрана Радмила Шекеринска денеска на Воениот стадион ги посети кандидатите за професионални војници, каде во моментов се вршат физички проверки.

Министерката Шекеринска истакна дека вложувањата изминативе три години во Армијата, особено зголемувањето на платите, подобрувањето на условите за работа, враќањето на довербата, резултираа на овој конкурс да има околу 1800 пријавени кандидати за 200 места.

„Првиот конкурс пред 3 години на кој што баравме 125 професионални војници собра некаде околу 200 кандидати и беше тешко од тие кандидати да се најдат луѓето кои што ги исполнуваат сите услови. Три години поминаа, вложувавме во Армијата, вложувавме во одбраната и затоа на почетокот на годината за 70 места имавме 700 кандидати. Сега кога распишавме конкурс за 200 војници добивме над 1800 кандидати и тоа покажува дека Армијата ќе се подмладува и дека Армијата може да се подмладува само ако вложите во повисоки плати, во подобра опрема, во подобар имиџ и се разбира ако вложите во подобри шанси за сите оние кои што работат во Армијата“.

Таа додаде дека зголемениот интерес на младите да пристапат во Армијата е резултат и на нашето членство во НАТО, а со поголем број кандидати, Армијата ќе добие квалитетен кадар.

„Армијата секогаш ја враќала довербата во неа, успевала да одговори и на задачите и во најтешки околности, меѓутоа сега покажавме дека државата си ги цени своите војници своите офицери и младите луѓе од сите етнички заедници – и мажи и жени, тоа го покажаа со овој интерес. Јас очекувам и се надевам дека и следната година на ист начин ќе го зголемиме и интересот за запишување на Воената академија и на тој начин ќе го подмладиме не само војничкиот, туку и офицерскиот состав на Армијата” рече Шекеринска.

За професионалните војници со најдобри резултати Владата и Министерството за одбрана овозможуваат напредување во кариерата – можности за обука во странство, обуки во рамките на НАТО програмите, шанси да учествуваат во некои од НАТО предводените мисии како и мисии предводени од ООН и ЕУ.

spot_img
spot_img
ПОВРЗАНИ СТАТИИ

Најпопуларни

Повеќе постови

Сашо Донев, Лидија Петкоска и Грација Бакраческа кандидати за пратеници од Охрид

Извршниот и Централниот комитет на ВМРО-ДПМНЕ ги усвои пратеничките листи на ВМРО-ДПМНЕ и Коалицијата за наредните парламентарни избори. На листата во петтата изборна единица има...

Села оди во коалиција со Ахмети, очекува најмалку пет пратенички мандати

Алијанса на Зијадин Села оди во коалиција со Али Ахмети. Со само еден делегат против било одлучено АА да стапи во коалиција со ДУИ...

Тепачка помеѓу вработени во болница во Карпош

Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени...

Општините ќе можат да конфискуваат дивоградби и наместо да ги уриваат да ги доделат на користење на ранливи групи

Општините ќе можат да конфискуваат дивоградби и наместо да ги уриваат да ги доделат на користење на ранливи групи или младински организации. Како што...