Христијан Мицкоски, претседателот на ВМРО-ДПМНЕ, на својата последна Facebook Live сесија, на која одговара на граѓански прашања, рече дека доколку во иднина биде премиер ќе ја поништи евентуалната одлука на Владата на Зоран Заев во рамки на Договорот за добрососедство со Бугарија да се прогласи Гоце Делчев за Македонец во регионална смисла, а за Бугарин во етничка.
Оваа теза вчера ја постави пратеникот на ВМРО-ДПМНЕ, Антонијо Милошоски, засега како непотврдена информација од дипломатски кругови, додека актуелната Влада експресно ја демантираше уште истиот ден.
„Ова ќе биде апсолутно на негова одговорност, владина одлука која следната влада на ВМРО-ДПМНЕ, доколку ја предводам јас, веднаш таа одлука ќе ја поништи и нема никогаш понатаму да ја почитува истата-најави Мицкоски“, рече лидерот на најголемата опозициска партија.
Тоа според Мицкоски значи целосно асимилирање на македонската нација, удар во темелите на македонската нација и современата македонската држава, како и дополнително понижување.
