6.7 C
Ohrid
недела, ноември 29, 2020
Почетна Македонија Се огласи синот на Амди Бајрам: Ни кажаа дека починал од мозочен...

Се огласи синот на Амди Бајрам: Ни кажаа дека починал од мозочен удар, а не од коронавирус – Татко ми заслужува достоинствен погреб

Translate (Eng):[gtranslate]

Вчера на 64-годишна возраст во клиниката „Филип Втори“ почина поранешниот пратеник и лидер на Сојузот на Ромите во Македонија, Амди Бајрам.

Во попладневните часови од клиниката на Жан Митрев беше потврдено дека Бајрам бил позитивен на коронавирусот.

Неговиот син Габриел во телефонски разговор за „Фокус“ вели дека на неговот семејство не им било кажано дека Бајрам е заразен, туку дека имал мозочен удар и веднаш им било предадено телото. Тој кажа дека сите кои дошле во нивниот дом да изразат сочувство и дека сите ќе ги почитуваат мерките и протоколите за време на погребот.

РЕКЛАМА

-Татко ми беше дијабетичар цели 20 години. Исто така одеше на дијализа, имаше повеќе здравствени проблеми. Два дена пред да почине, беше на дијализа, според процедурата, тогаш му беше направен корона вирус тест, а резултатот беше негативен.

Да се навратам на случувањата од последните денови.

Дента пред да почине, се беше во ред, никој не можеше да претпостави што не чека. Но, вчера, во околу 11 часот, мајка ми сакала да го разбуди, кога забележала дека устата му е помодрена, а тој бил во несвесна состојба. Поради дијабетесот со кој се бори долг период, сме имале слични случки, таа веднаш му измери шеќер, бројките покажаа 1,2. Повикавме брза помош, дојдоа, и заминавме право во клиниката на д-р Жан Митрев. По патот тој беше свесен.

Кога стигнавме во болницата, чекавме околу десет минути пред вратата на ургентното одделение, тогаш татко ми почина на носилката, пред влезот.

Внатре го внесоа веќе починат, а ние останавме да чекаме околу час или два.

Од она кое го знаеме, тој починал од мозочен удар, а не од корона вирус. Ни го дадоа телото од болницата, ние си заминавме дома да ги испочитуваме нашите обичаи – раскажа Габриел за „Фокус“.

Појасни дека не ни знаеле дека Амди е позитивен на вирусот, бидејќи тестот од пред два дена му бил негативен, но и покрај тоа, ги почитувале сите мерки за заштита.

-Покојникот сега е дома, овде сме најблиското семејство. Надвор, пред куќата дојдоа многу луѓе кои му оддаваат почит, сите се со заштитни маски и стојат на растојание. Така планираме да биде и на погребот. Амди Бајрам беше голем човек, кој остави големи дела за Ромската заедница зад себе, заслужува и достоинствен погреб – вели неговиот син.

Додаде дека нема место за обвинувања дека не се почитуваат мерките, бидејќи тие биле совесни луѓе, кои имале деца, внучиња, и не сакале ничие здравје да биде загрозено.

-Ова е нашата вистина, нам уредно ни го дадоа телото од болницата, ние не правиме ништо лошо, сакаме достоинствено да го испратиме покојникот. Ако треба да биде погребан во лимен ковчег, нека ни кажат, ние тоа ќе го сториме. Сите кои ќе дојдат, ќе ги почитуваат мерките-  изјави Бајрам.

Сојузот на Ромите излезе со соопштение дека погребот е закажан денес, во 14 часот во Али Пашината џамија, и во 15 часот на гробиштата во Бутел во Алеата на Великаните.

- Реклами -