И свештениците во Македонската православна црква не се имуни на ковид 19, па веќе некое време Синодот не заседава токму поради ова. Дел од членовите веќе биле и во самоизолација, а загриженоста е поголема поради тоа што голем дел од нив се повозрасни. Дел од оние, пак кои се на терен или служат по храмовите веќе го прележале вирусот, а во јавност излегоа и неколку случаи на свештеници кои ја загубија битката со Ковид 19. Најмладиот беше од Битола на 39 години.
Скопската епархија веќе има и сопствени препораки за однесувањето на свештениците кои одат по гробиштата, но и на домашните слави кои деновиве се прославуваат да носат и маски и заштитна опрема за да се заштитат и сами и верниците. За славите во домовите самата црква сега им порачува на верниците да го опоменат свештеникот кој не носи маска на себе, но од друга страна и верниците да ги почитуваат мерките.
телма
