26.9 C
Ohrid
понеделник, јули 26, 2021
Почетна Македонија Охридскиот градоначалник Георгиевски не чувствува винa за УНЕСКО

Охридскиот градоначалник Георгиевски не чувствува винa за УНЕСКО

Translate (Eng):[gtranslate]

Не чувствувам лична одговорност за лошиот нацрт извештај на УНЕСКО за Охрид, истакна градоначалникот на Охрид, Константин Георгиевски во вечерашното гостување во „Топ Тема“ на ТВ Телма.

Тој посочува дека откако е дојден на функција на 5 мај во 2019 спроведени се многу работи, но сепак сегашната состојба е поради проблемите кои претходно се таложеле. Забелешките до Унеско ќе бидат испратени, но не очекува големи промени на извештајот, а ние ќе ви издвоиме неколку отсранување на билборди палми и рушење на еден хотел во непосредна близина на Св Еразмо, и плажата Немо…

Првиот човек на Охрид причината за сегашната состојба ја лоцира во минатото и проблемите кои се таложеле.

РЕКЛАМА

Негова соговорничка во емисијата беше Донка Барџиева од Ценатрот за културно наследство која за одговорна ја смета Владата.

Барџиева вели дека извештајот на УНЕСКО за градот Охрид е повеќе од реален и дури ситуацијата на сите оние кои ги следат проблемите во Охрид е далеку по лоша отколку што е тоа наведено во самиот извештај.

Таа посочи дека последните три години требаше да донесат пресвртница во решавање на проблемите во Охрид, но решавањето на проблемите изостана.

-Крајно време е да се лоцира одговорноста за овие проблеми, не би сакала да посочувам личности, но време е да се побара одговорност и да се направи ревизија на работата воопшто на клучните владини институции, како и на градоначалниците, факт е дека со децении немаше план за управување по препораките на УНЕСКО, вели Барџиева.

Барџиева вели дека вината е разгранета на повеќе нивоа, но пред се главната вина ја има Владата, затоа што извештајот е адресиран до Владата, која е потписничка и се обврзува со конвенцијата и одговорноста треба да ја преземе Владата и премиерот, министерството за култура, управата за заштита, музејот на Охрид и локалната самоуправа.

Таа исто посочи дека дел од извештаите биле сокривани како и тоа дека биле ставани податоци кои не се точни и не се факти како активности кои биле извршувани, па по тоа таа заклучи дека тоа е срамно однесување за идна членка на ЕУ.

 

- Реклами -