Откако во јавноста се појави веста дека денес се имунизирале луѓе преку ред и истите тие се пофалија на социјалните мрежи дека ја примиле вакцината се дигна огромна прашина помеѓу докторите и медицинските сестри.
Се огласи и министерот Венко Филипче. Силно ја осудувам злоупотребата при процесот на вакцинирање! Во овој момент клучно е да се вакцинираат приоритетните групи на граѓани, а поради тоа е изготвен и самиот Национален план за вакцинација. Ќе се ревидираат листите на вакцинирани и секој што ја злоупотребил својата позиција или контакт ќе биде соодветно санкциониран.
