12.5 C
Ohrid
недела, мај 16, 2021
Почетна Македонија Заев не можеше повеќе да ја крие неговата хуманост и добрина: 1.000.000...

Заев не можеше повеќе да ја крие неговата хуманост и добрина: 1.000.000 денари за помош за обнова на изгорениот дел од трговскиот центар „Глобал“

Translate (Eng):[gtranslate]

Премиерот Зоран Заев повеќе не ги крие донациите. Објави две во анкетниот лист. Едната е во износ од 1.000.000 денари за помош за обнова на изгорениот дел од трговскиот центар „Глобал“ во Струмица, а другата е 770.000 денари за Министерството за здравство.

Владата во јануари им порача на државните институции, јавните претпријатија и на општините да му помогнат на Здружението „Обнова за Глобал“ за да се реконструира опожарениот дел од струмичкиот шопинг-центар, а Заев иако најави, не откри со колку лични средства ќе излезе во пресрет.

Износот од донацијата за Министерството за здравство е делот на премиерот од Хесенската мировна награда, која ја доби со поранешниот грчки премиер Алексис Ципрас, во висина од 12.500 евра, и истата ја уплати на крајот на февруари во Солидарниот фонд за справување со ковид-19.

РЕКЛАМА

За ова министерот за здравство Венко Филипче преку својот Фејсбук профил јавно му упати благодарност на Заев. Инаку од владината алатка на која може да се види кој колку донирал во солидарниот фонд, има податоци само до јули 2020 година, а до тогаш физичките лица во финансискиот дел вкупно донирале 25,5 милиони денари.

Минатата година Заев донираше и амбулантно возило за потребите на струмичката болница, откако директорот на болницата преку социјалните мрежи побара граѓаните да донираат пари за набавка на возило за транспорт на ковид-пациенти, но податоци за ова нема во анкетниот лист.

„Премиерот Заев приватно, лично и преку своето семејство, по пат на солидарност, има помогнато на многу граѓани и семејства што имале потреба да обезбедат минимум средства за основните животни потреби. Премиерот Заев нема пракса јавно да ги објавува и коментира своите лични донации“,гласеше досегашниот вообичаен коментар од премиерскиот кабинет.

Ако се погледне кај анкетните листови на другите функционери кои ги пријавуваат во Државната комисија за спречување на корупција, речиси и да нема таков кој ги објавил евентуалните донации како личен имот.

А.К. Фактор

- Реклами -