8.9 C
Ohrid
вторник, март 19, 2024
ПочетнаМакедонијаБолката од ден за ден е поголема: Koja беше Верче, и што...

Болката од ден за ден е поголема: Koja беше Верче, и што мислат жителите на село Русиново за нејзината фамилија. (Видео)

Хуманоста на семејството на трагично загинатата Верица да биде институционално наградена. Ова е пораката на жителите на село Русиново, кои низ солзи во очите простувајки се од Верче, уште еднаш го поздравија хуманиот чин на семејството Белчовски, кое несебично се реши да ги донира органите на својата ќерка и со тоа да спаси човечки животи.

-За помош треба помош, знаеме во какви услови живееме сите во Македонија, но институциите треба да си ги направат своето. Селаните поддршка ќе дадат, тешко дека некој се радува на ова, скраја да е, штета за девојчето, но сепак граѓаните не можат сами да помогнат, тоа мора да го направат институциите, истакна Софија Буровска, жителка на село Русиново.

Нејзиниот сожител Жико Милошовски, додаде дека и самите мештани се подготвени да им помогнат на семејството Белчовски.

-Мислам оти нашето село е хумано село и ќе има помош за семејството. Белчовски се семејство домаќини, одговорни за работа беа досега. Цело село им дава поддршка, од утрово одат на црква, изразуваат поддршка. Сите во таа незгода им се заблагодаруваат што ги подарија органите на својата ќерка, вели Милошовски.

Помош и институционална поддршка очекуваат и роднините на Белчовски.

-Голем хуман чин кој ќе спаси многу животи. Верче ја нема, но нејзиното срце ќе живее во срцето на друго момче. Инаку финансиски секој може да помогне, веќе ако решиле Македонија е голема и може да помогне, пошто сите од семејството се невработени, велат роднини на Белчовски.

Според дел од жителите, на семејството од Русиново и досега требало да му биде овозможено поголема помош.

-Помошта како што слушаме била потребна од претходно, сега откако отиде девојчето мислам дека е џабе. Може да е некоја утеха за нивните родители тие донации, ама тоа не се враќа и добро е што се согласија да се донираат органите, многу редок и хуман чин, вели низ солзи жител на селото.

Од општината најавија иницијатива за одржување итна седница на беровскиот Совет на која ќе се побара финансиска поддршка за семејството Белчовски, а во понатамошниот период и ќе се инсистира на разговори на повисоко ниво, како институционално да биде зајакната таа поддршка.
Delcevo 365.mk

spot_img
spot_img
ПОВРЗАНИ СТАТИИ

Најпопуларни

Повеќе постови

Дури 222.000 Македонци живеат во Германија, 68.000 иселени последните две години

Дури 222.000 Македонци живеат во Германија, 68.000 иселени последните две години Луѓето ја преполнуваат автобуската станица во главниот град на Македонија со куфери и...

Костадиновска-Стојчевска: Го исполнивме аманетот на нашите предци – до крајот на 2025 година, нов „Центар за македонски јазик“ во Љубојно

Министерката за култура Бисера Костадиновска-Стојчевска, директорката на Институтот за македонски јазик „Крсте Мисирков“, Елена Јованова-Грујовска, и проф. д-р Елизабета Бандиловска, член на Советот за...

Ковачевски: Не даваме лажни ветувања-Имаме конкретна програма и визија каде ја гледаме Северна Македонија до 2030 година

„На изборите ќе насташиме со искусни членови кои вршеле низа функции и во партијата и во државата. Јас ќе бидам во Изборната едниница 1,...

Николоски: Со оваа власт процветаа криминалот и корупцијата во Македонија, но крајот им се ближи и ќе одговараат пред законот

Потпретседателот на ВМРО-ДПМНЕ, Александар Николоски во емисијата „За или против“ на Алфа телевизија истакна дека со оваа власт криминалот и корупцијата процветаа во Македонија,...