Претседателот на Собранието Талат Џафери вели дека на негово барање, добил
решение од првиот човек на Комисијата за заразни болести, и пратеници позитивни
на коронавирус да одат на работа во парламентот.
„Решението е потпишано од Комисија за заразни болести односно Д-р Жарко
Караџовски. Останувам на тоа дека не е направен никаков прекршок со доаѓањето
на двајцата пратеници во скафандер во Собранието.
Пратеникот не одговара кривично за зборување во Собранието и за учество во
Собранието, тоа е Уставна категорија. Од таму пратеникот не може да биде
попречен во работењето, па дури и да е прогласена воена состојба“, изјави
претседателот на Собранието Талат Џафери во емисијата „Само интервју“ на Канал5
Караџовски дал дозвола пратениците во скафандер да отидат во Собрание
