12 C
Ohrid
петок, мај 7, 2021
Почетна Македонија Васил Стерјовски не успеа да стане пратеник во Албанија.

Васил Стерјовски не успеа да стане пратеник во Албанија.

Translate (Eng):[gtranslate]

Лидерот на Македонска алијанса за европска интеграција (МАЕИ), Васил Стерјовски, не успеа да обезбеди пратенички мандат на парламентарните избори, што се одржаа на 25 април во Албанија. Стерјовски, беше на 12-то место на кандидатската листа на Социјалистичката партија во изборната единица Корча.

-Сакам да им се заблагодарам на сите граѓани од округот Корча и до сите Македонци од Албанија кои живеат и работат во Македонија и Грција, кои изразија желба на 25 април да дојдат и да гласаат за мене. За жал, Техничкиот комитет на експерти, во врска со мерките за заштита на населението за време на пандемијата со корона вирусот, четири дена пред изборите, воведе двенеделен карантин за секој што доаѓа од Македонија и Грција. Поради тоа, Македонците од овие држави немаа можност да дојдат во Република Албанија и да гласат за мене, изјави Стерјовски.

Според освоените гласови, тој е деветти по ред на листата, што значи дека не успеа да влезе во добитната листа, но е на листата на чекање. Доколку се ослободи место во текот на четиригодишниот мандат на новиот парламентарен состав тој повторно ќе влезе во парламент.

РЕКЛАМА

-За исправна ја сметаме одлуката на Македонска алијанса за европска интеграција за коалиција со Социјалистичката партија, бидејќи таа е апсолутен победник на овие парламентарни избори. Од новата влада на премиерот Еди Рама очекуваме поголема грижа и инвестиции за регионите каде живеат Македонците во Албанија, и вклучување на Македонците во институциите на системот. Ќе бараме решавање на многубројните проблеми со кои се соочуваат Македонците во Албанија, нагласува тој.

- Реклами -