Демир Јоксимовиќ повеќе од половина од својот живот го поминал на тркала, а иако има 85 години, тој сè уште вози. Воланот на огромниот друмски крстосувач не го испушта од раце, возејќи од Белград до Урал и многу светски метрополи.
Многу веројатно е дека тој е единствениот возач на шлепер во Србија кој е активен и откако ја „преполовил“ 9-та деценија од животот.
„До ден-денес останав доследен на воланот, не ја менував професијата и обожувам да го работам тоа“, изјавил Јоксимовиќ за српскиот портал „Rina“.
Со текот на годините Демир започнал да вози полн шлепер низ европските држави, не гледајќи колку километри поминува.
„Со шлепер, освен скандинавските земји, нема точка на која не сум бил. Од Ирак и Иран до Шпанија и Португалија. Можам да возам по 8, 9 часа дневно, не ми е проблем“. Кога сте постојано на пат се случуваат проблеми, дефекти, но не се нерешливи и иако имам многу години, дури и тркалата ги менувам сам. На почетокот знаев и многу странски зборови кои ми ја олеснуваа комуникацијата, меѓутоа со текот на времето разбирам голем дел од работите, но заборавив да зборувам на странски јазици“, додава тој.
За него е интересно тоа што во текот на својот стаж никогаш не заработил казна.
Возачката кариера сепак ја завршува ова лето
Многу возачи кои живеат со „воланот во раце“ како Демир, се навикнати да не можат да бидат на едно место. Но, овој светски патник планира да стави точка на своето километарско досие.
tocka
