До 1 август српските власти ќе излезат со препорака до граѓаните дали треба да примаат и трета доза или не
Српските власти размислуваат за давање трета доза од вакцината против ковид-19, а одлуката ќе ја донесат до 1 август, најави премиерката Ана Брнабиќ.
Таа соопшти дека Националното тело за имунизација, Медицинскиот факултет и Агенцијата за лекови и медицински средства имале состанок и во моментов се проучуваат достапните студии на оваа тема.
„Националното тело за имунизација подготвува свои студии, ги следи производителите на вакцини и нивните студии во врска со употребата на трета доза. До 23 јули телото ќе го достави своето мислење до Кризниот штаб, а Кризниот штаб до 1 август ќе излезе со препорака до граѓаните. Ги следиме студиите на производителите, праксата во другите земји, препораките од СЗО, а ќе имаме и наши студии. Не доцниме по ова прашање, навремено ќе донесеме одлука“,
рече Брнабиќ во гостувањето на српската ТВ Прва.
Србија сè уште не ја поминала бројката од 50 отсто вакцинирани граѓани, но очекувањата на премиерката се дека тоа ќе се случи во наредните неколку дена.
