Не е во ред да се добие државјанство само со приложување на сметка за платени телефонски услуги или електрична енергија или потврда за болничко лекување, вели претседателката на ДОМ, Маја Морачанин во емисијата „Жешко политичко лето“.
– Вчера гласавме воздржани, поради тоа што сакавме да се реши проблемот за граѓаните. Државата е должна да го реши, а ние сметаме дека текстот на овој закон не е соодветен и треба да претрпи промени, за да им помогнеме на граѓаните, а не да се олеснува работата, рече Морачанин.
