Директорот на Центарот за управување со кризи, Стојанче Ангелов на својот Фејсбук профил предмалку објави дека пет хеликоптери се упатени кон пехчевскиот регион со цел справување со огнената стихија.
Тој истакнува дека доколку некој е загрозен од огнената стихија да се оддалечи веднаш од огнот.
-Во овој момент пет хеликоптери од кои два македонски и три српски се на пат кон Пехчевскиот регион и заедно, со сета сила, ќе удрат по големот пожар кој се заканува на околните села.
Без паника!
Безбедноста на луѓето на прво место!
Доколку некој е загрозен од пожарот веднаш нека се одалечи на безбедно.
Нови куќи се прават, нови дрвја ќе пораснат, изгубените животи на луѓето нема да се вратат, пишува на Фејсбук директорот на Центарот за управување со кризи, Стојанче Ангелов.
