Конечно, после 40 години противпожарниот возен парк на Делчево се поднови со едно возило

Голема среќа за пожарникарите од делчевската противпожарна единица – добија ново возило после 40 години. Противпожарното возило како што информираа од Општината е од марката ФОРД со ЕУРО 6 стандард, јачина на мотор 243 киловати, односно 8974 ццм, додека капацитетот на резервоарот за вода е 6000 литри.

Возилото е набавено во рамките на грант- средства за успешно реализиран подзаем, а финансиските средства се обезбедени од Меѓународната банка за обнова и развој – Светска банка, преку Проектната единица на Министерство за финансии на Република Северна Македонија. Вредноста на противпожарното возило е 7.364.657.3 ден. со вклучен ДДВ.

-Набавката на возилото беше приоритетен проект од спроведената „Урбана ревизија“ и анкета на граѓаните од најсиромашните делови од Општина Делчево кои изминатиот период се соочуваа со голем број пожари, пред сè, шумски пожари кои, за жал, покрај деградација на животната средина, зафатитија и голем број шуми кои беа основен извор за егзистенција на голем број семејства во општината, стои во објавата на фејсбук профилот на градоначалникот Горан Трајковски.

ОСТАВИ КОМЕНТАР

Please enter your comment!
Please enter your name here