„Велосипедските патеки во Битола и тоа како се потребни! Обврска на општината е да ги изгради секаде каде што има услови, а таму каде што нема, да ги обезбеди условите!“
Ова го порача кандидатот на СДСМ за градоначалник на општина Битола, Христо Кондовски, кој со велосипед заедно со голем број битолчани, љубители на возењето точак се приклучи на вечерашната манифестација во Битола, 61-вата Критична маса, која започна од плоштадот Магнолија.
„Се приклучив на оваа манифестација за да ја испратам пораката: Битола ќе биде велоград !“-порача Кондовски.
