Синоќа околу 01:30 часот по полноќ во Градскиот трговски центар во Кочани, полициски службеници од ОВР Кочани го пронашле и привеле 20-годишниот Џ.Џ. од Кочани поради бегство од Казнено-поправната установа „Затвор“ Струмица. При преглед кај него била пронајдена и одземена марихуана, информираат од МВР.
Лицето е спроведено во Казнено-поправната установа „Затвор“ Струмица и по целосно документирање на случајот ќе му биде поднесена соодветна пријава.
