Точно е дека денеска ќе поднесам оставка од функцијата општински советник на општина Охрид. , изјави Нефи Усеини, за „Слободен печат“, без да образложи кои се причините за ова одлука.
Контроверзниот бизнисмен од Охрид, Нефи Усеини, беше носител на изборната листа на ДУИ за советници во општина Охрид на локални изборите.
Усеини беше советник и во претходниот состав на општинскиот совет, но лани поднесе оставка.
Тој ѝ е познат на јавноста по повеќе скандали, од кои најпознат е случајот со терасата-дивоградба на неговата пицерија во центарот на Охрид, кај стариот Чинар. Исто така е и за неговата бетонска база за ископ на песок на стариот пат Охрид-Струга.
