Снаа и свекрва од Прилеп ја поканиле комшивката на муабет и на кафе. Додека едната варела кафе а другата ги спремала слатките за на маса ја виделе комшивката како со прстот им поминува на масата и гледа дали има прашина. Кога виделе двете толку се налутиле што ја заклучиле вратата и ја натерале комшивката да брише прашина против нејзина волја. Комшивката се обидела да избега, но безуспешно.
За нашата хумористична рубрика „Зошто пак да не?!“ комшивката изјави дека на секое нејзино негодување и било давано уште повеќе работа. После бришењето прашина следувало метење и тоа со обична метла а не со правосмукалка, со образложение дека струјата два пати е поскапена. Исто така и биле дадени и гаќите од свекорот да ги пере на раце и тоа со ладна вода. За овој немил настан е известена полицијата. Во текот на денот ќе ги прочитаме и официјалните детали од МВР.
Рубриката „Зошто пак да не?!“ е со измислена хумористична содржина и има за цел да ги насмее читателите. Сличноста со реални ликови е случајна.
Темите
