Актерката Весна Бејби се прости од својот татко Кирил, кој почина утрово. Таа со многу емоции раскажа за
љубовта на нејзините родители која траела од тинејџерските години, а Кирил го опиша како човек со голем дух и шарм.
„Утрово почина мојот најмил деди. Ужасно ми е тешко и нема никогаш да престане да ни недостасува твојата широка насмевка, исклучителниот дух и несебичната љубов. Те сакам тато, те сакам затоа што беше нежен со нас, со внуците Ема, Јана, Мина и Кирил, со зетот Џоле, со Вики. Ќе ми недостасува восхитот на љубовта која ја имавте со мама Сашка, вечни тинејџери и прва љубов која инспирираше. Те сакаме бескрајно, нека ти е светол патот татичко, одмори се“, напиша Весна.
