9.9 C
Ohrid
сабота, април 5, 2025
ПочетнаМакедонијаБилјана Блажевска: По пазарите се молам за скапана храна само да однесам...

Билјана Блажевска: По пазарите се молам за скапана храна само да однесам дома на децата

spot_imgspot_imgspot_imgspot_img
spot_img

Билјана Блажевска од Скопје како млада имала живот од бајките. Четириесет години била во брак, со Јосиф, човекот на нејзиниот живот. По многу години складен и убав живот, еден ден сè се превртува наопаку. Се разболува поголемиот син и ослепува. Помалиот син добива тешки срцеви опструкции. Починува сопругот, а како капак на сè, истата година Билјана ја губи и куќата.

<


Образованието не секогаш е мерило дека добро ќе заработувате и ќе имате среќа во животот. Билјана иако е со вишо образование, млада заминува како технолошки вишок, а денес е со минимална пензија. Во најтешкиот период кога губи сè во животот, таа цели седум години останува и без ниту денар приход. Тогаш започнува агонијата. Се задолжува во банки, се задолжува кај поранешни колеги и пријатели, поради што сè уште ги отплаќа тие долгови и денес.

Билјана свесна дека мора да се бори во животот, за да не им уништи животот на болните синови, собира сила и во населбата 11 октомври прави куќа до карабина, а добрите луѓе и помогнале колку толку да ја оспособи за живот.

Тешкиот живот ја принудил да оди дури и на сегашна возраст, да работи за двесте денари дневница, да помага по пазарите, молејќи се дека некој ќе ѝ даде макар скапан зеленчук или овошје, кои дома ќе го јадат со децата.

До пред некоја година живеевме без струја и вода. Немав ниту за храна. За да има барем децата да јадат зашто пијат силни лекови, пет дена немав ставено залче храна во устата. Колабирав. Ги молев соседите да ми дадат макар сув леб, не ми дадоа. На лекар кога им кажав дека не јадев само децата да имаат што да јадат, се шокираа. Се случува да останеме без храна. Одам по пазарите да молам да ми дадат малку скапан зеленчук што никој не го јаде. Ќе го исчистам и тоа го јадеме дома“.

-Ќе им се заблагодарам на сестрите од католичката црква. Многу ми помогнаа. Ми носеа дрва и храна порано. Но, ги сменија на друг реон, па сега има денови кога немам ниту гранка за да го запалам шпоретот да се загрееме. Соседите ми ја знаат ситуацијата, па ако реновираат дома ќе ми дадат некој стар мебел, сама ќе го искршам и така за некој ден обезбедувам огрев. Се снаоѓам. Но, зарем на овие години заслужив ваков живот да живеам. Да молам за корка леб?!“

Оваа напатена жена денес зема минимална пензија, која ја дава за долгови по извршители, дел од неа враќа и на колеги кои на времето кога немала пари и позајмиле. И остануваат едвај две илјади денари со кои набавува продукти доволни само за неколку денови во месецот.

Смачено ми е од сè. Понекогаш сум размислувала и животот да си го одземам, но кога ќе ми текне дека децата ќе ги оставам за никаде, се враќам во реалноста. Не е лесно на седумдесет години да мислиш како ќе го поминеш денот. Знаете, кога сте млади можете сè, ама на овие години е многу тешко. Син ми спие на горниот кат каде нема врати. Тој лежи на неколку пласта јоргани, нема ниту кревет. Јас и другиот син, тука сме во оваа соба. Наутро повеќе сме укочени отколку одморени. Федерите се излезени од креветите. Ставам ќебиња за да не нè прободат во грб. Некој да ми кажуваше дека вака ќе живеам, немаше да му верувам. Но, ете реалноста е таа.“

-Ги сакам и животните. Им помагам. Ќе влезам во месарница, ќе побарам некоја коска и кога се враќам од пазар ги ранам по улица кучињата што ќе ги сретнам. Жал ми е и за нив. Понекогаш викам и куче подобро живее од мене.

Дополнителна болка на оваа жена е неможноста да си го види внучето од помалиот син, кој бил женет, но, поради неможноста да плаќа алиментација не им е дозволено да го гледаат детето.

Билјана е многу повредена. Секој ден и е исполнет со солзи. Но, како и секој човек се бори и верува дека постои надеж за подобар живот како што некогаш го имала. Се надевам и знам дека има добри луѓе. Многу би ми било од помош да добијам врати, дрва, храна, дрва за да ја поминам зимата. Вака ја завршува својата животна приказна оваа напатена жена во интервју за емисијата Срце на дланка.

Сите што сакате да помогнете на оваа жена тоа може да го направите на телефонскиот број 076/237-060 или на сметката 210501586125522

Автор

Оливера Петрушевска
Приказна.Мк

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Спасовски: Истрагата за Кочани мора да даде одговори и за пропустите на МВР

Најважно од сè е сега истрагата да ги даде одговорите на прашањата за трагедијата во Кочани и за утврдување на одговорноста. Главната одговорност треба...

Најниската плата во здравството се искачи на 27.000 денари, толку ќе земаат чистачите

Со линеарното зголемување од 2.500 денари најниската плата во здравство изнесува нешто над 27.000 денари, соопшти денес директорот на Фондот за здравствено осигурување, Сашо...

Поршето не било на Срѓан Керим, тој само го возел а двете лица кои биле обезбедување на претседелката Давкова кажале дека е службено при...

Срѓан Керим го возел „поршето“ кое било во сопственост на друго лице, велат од МВР Автомобилот марка „порше“ што го возел Срѓан Керим кога непрописно...

Дисциплинска постапка за двајца полициски службеници кои лажно тврделе дека возилото “порше” е службено

Дисциплинска постапка за двајца полициски службеници кои лажно тврделе дека возилото “порше” е службено Од страна на Одделот за внатрешна контрола, криминалистички истраги и...