Поништена визата на Ѓоковиќ – ќе биде депортиран од Викторија пред Австралија опен

Новак Ѓоковиќ наскоро може да биде депортиран од Мелбурн, само неколку дена пред почетокот на Австралија опен, откако федералниот министер за имиграција му ја откажа визата.

Светскиот број 1 слета во Австралија пред една недела, а претставниците на австралиските гранични сили му ја откажаа визата за влез во земјата бидејќи не е вакциниран.

Откако Ѓоковиќ помина еден викенд во притвор за имиграција, одлуката за укинување на визата од страна на Владата беше поништена од Федералниот окружен суд.

Но, во петокот попладне, министерот за имиграција Алекс Хок ги искористи своите дискрециони овластувања.

„ГО ИСКОРИСТИВ СВОЕТО ОВЛАСТУВАЊЕ СОГЛАСНО ЗАКОНОТ ЗА ИМИГРАЦИЈА ЗА ДА ЈА ПОНИШТАМ ВИЗАТА ШТО ЈА ИМАШЕ НОВАК ЃОКОВИЌ. ПОРАДИ ЗДРАВСТВЕНИ ПРИЧИНИ И ДОБАР РЕД, СЕ ВО ЈАВЕН ИНТЕРЕС. ОВАА ОДЛУКА УСЛЕДИ ПО НАЛОГОТ НА ФЕДЕРАЛНИОТ И ОКРУЖНИОТ СУД СОГЛАСНО КОЈ ОД 10 ЈАНУАРИ Е ПОНИШТЕНА ПРЕТХОДНАТА ОДЛУКА ЗА УКИНУВАЊЕ НА ВИЗАТА. ПРИ ОВАА ОДЛУКА, ВНИМАТЕЛНО ГИ РАЗГЛЕДАВ СИТЕ ИНФОРМАЦИИ ОД МИНИСТЕРСТВОТО ЗА ВНАТРЕШНИ РАБОТИ, АВСТРАЛИСКИТЕ ГРАНИЧНИ СИЛИ. ВЛАДАТА НА МОРИСОН Е ЦВРСТО ПОСВЕТЕНА НА ЗАШТИТАТА НА ГРАНИЦИТЕ НА АВСТРАЛИЈА, ОСОБЕНО ЗА ВРЕМЕ НА ПАНДЕМИЈА“, ОБЈАСНИ ХОК ВО СООПШТЕНИЕ.

Адвокати на српскиот тенисер се подготвуваат веднаш да поднесат судска забрана против одлуката.

Доколку не ја оспори одлуката пред судот или не успее во тоа, Ѓоковиќ веднаш ќе биде депортиран од земјата.
Telma

ОСТАВИ КОМЕНТАР

Please enter your comment!
Please enter your name here