9.6 C
Ohrid
петок, март 29, 2024
ПочетнаСветНерaботен ден во Грција: Снегот ја парализираше Атина

Нерaботен ден во Грција: Снегот ја парализираше Атина

Заглавени возачи со часови на улици и булевари, полесно повредени патници на воз, паднати дрва, прекини во снабдувањето со електрична енергија, остави зад себе невремето „Елпида“, снежната бура што од вчера наутро ја зафати областа Атика поширокиот дел на Атина, а денеска, со одлука на грчката Влада е неработен ден за јавниот и приватниот сектор, јави дописничката на МИА од Атина.

Особено тешка беше ситуацијата на автопатот што ги поврзува атинските предградија, каде што стотици автомобили над 12 часа останаа заглавени и синоќа беше активирана војската која во текот на целата ноќ интервенираше за да им помогнат на возачите, а операцијата продолжи и утрово.

Непознат е точниот број на возила заглавени, веројатно се над 1.000, а некои и 20 часа подоцна, сè уште не се отстранети.

Дел од возачите во обид да стигнат на друг начин до нивните домови ги напуштиле возилата, дел биле пренесени во локални хотели за да ја поминат ноќта.

Конкретниот автопат е во сопственост на приватна компанија и министерот за климатска криза и цивилна заштита Христос Стилијанидис рече дека целата одговорност за хаосот на автопатите ја носи компанијата.

Слични проблеми имаше и на булевари во Атина, со заглавени возила.

Поради снегот, воз што сообраќаше од Атина кон Солун, запре во близина на градот Ливадија, а во обид да биде извлечен, дошло до мал судир со влечната машина поради лизгавите шини, при што најмалку девет лица се здобиле со полесни повреди.

Противпожарната служба на Грција за 24 часа добила 964 повици за помош во поширокиот регион на Атина.

spot_img
spot_img
ПОВРЗАНИ СТАТИИ

Најпопуларни

Повеќе постови

Сашо Донев, Лидија Петкоска и Грација Бакраческа кандидати за пратеници од Охрид

Извршниот и Централниот комитет на ВМРО-ДПМНЕ ги усвои пратеничките листи на ВМРО-ДПМНЕ и Коалицијата за наредните парламентарни избори. На листата во петтата изборна единица има...

Села оди во коалиција со Ахмети, очекува најмалку пет пратенички мандати

Алијанса на Зијадин Села оди во коалиција со Али Ахмети. Со само еден делегат против било одлучено АА да стапи во коалиција со ДУИ...

Тепачка помеѓу вработени во болница во Карпош

Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени...

Општините ќе можат да конфискуваат дивоградби и наместо да ги уриваат да ги доделат на користење на ранливи групи

Општините ќе можат да конфискуваат дивоградби и наместо да ги уриваат да ги доделат на користење на ранливи групи или младински организации. Како што...