Русија претпоставува дека сценариото според кое Русија би го притиснала нуклеарното копче нема да се реализира под никакви околности, изјави портпаролката на Министерството за надворешни работи на Русија, Марија Захарова, во интервју за колумбиското радио “V Radio”.
„Поаѓаме од фактот дека ова апокалиптично сценарио нема да се реализира под никаков изговор и под никакви услови“, рече Захарова, на прашањето што ќе зависи од тоа дали Русија ќе го притисне нуклеарното копче.
„Мислам дека нè мешате со некој друг. Кога станува збор за употребата на нуклеарно оружје, ние неколку пати го кажавме нашиот став. Можеби нè мешате со САД, но Русија никогаш не зборувала за тоа“, рекла Захарова, пренесува Спутник.
Како одговор на агресивните изјави на Западот, рускиот претседател Владимир Путин му нареди на Министерството за одбрана да ги префрли руските сили за воздржување во режим на специјална борбена должност.
Руските стратешки нуклеарни сили е општото име за главното оружје на трупите и силите во вооружените сили на Руската Федерација, кои имаат стратешко и тактичко ракетно и нуклеарно оружје како главно оружје. Понекогаш се нарекува нуклеарна тријада.
