Ноќеска дваесетина минути по 3 часот опожарено е возилото ауди на поранешниот градоначалник на Скопје, Петре Шилегов. Возилото, пред да биде опожарено го паркирала неговата сопруга Јасмина, а е регистрирано на едукативен центар Џуниор. Во пожарот зафатени биле уште три возила на ист сопственик.
„На 09.03.2022 во 03,20 часот било пријавено дека на ул.”Петре Пирузе” во Скопје настанал пожар во патничко моторно возило ауди со скопски регистарски ознаки, сопственост на правно лице, а паркирано од Ј.Ш.. Од пожарот зафатени биле и патнички моторни возила пасат, матиз и нисан со скопски регистарски ознаки, сите сопственост на Д.М.(53)”, соопштија официјално од МВР.
Се врши увид и се работи на расчистување на случајот
