Лидерот на Левица Димитар Апасиев излезе на говорницата на македонското Собрание со мајца со ликот на Џулијан Асанж, дисидентот на Викиликс кој повеќе од 10 години се соочува со американски прогон.
Слобода за Асанж. Не на екстрадицијата во САД!, порача Апасиев.
Асанж е основач на Викиликс, организација која објави доверливи информации за воени злосторства кои американските сили ги извршиле во Ирак, и се обиделе да ги прикријат. Тој беше засолнет во амбасадата на Еквадор во Лондон од 2012 до 2019 година, кога Еквадор му го повлече азилот, и го преде на британската полиција. Асанж сега е во затворот Белмарш во Лондон, а САД бараат негова екстрадиција.
Пораката на Апасиев е упатена во време кога САД ја обвинуваат Русија за воени злосторства во Украина, а воедно се обидуваат да го замолчат Асанж за откривање на американските злосторства. На мајцата што ја носеше Апасиев, на Асанж устата му е затворена со американско знаме.
